Антонио Бандерас во новиот филм за Џани Версаче

Били на филмскиот фестивал во Капри го најави новиот филм за Версаче кој треба да почне со снимање оваа пролет и во кој ќе се појави познатата шпанска и холивудска ѕвезда. „Во филмот ќе ја претставиме интимата на Версаче, но и некои работи кои се помалку познати за него“изјави данскиот режисер.

Инаку, тој за 2017 најави уште еден биографски филм, за композиторот Антонио Вивалди. Џани Версаче е роден во 1947 во Реџо Калабрија. Со 18 години започна да работи во кројачкиот салон на неговата мајка, а првата самостојна модна колекција ќе ја претстави во 1978 година. Една година подоцна ќе го отвори и својот прв бутик во Милано под свое име. Тој е убиен во 1997 година на прагот на својот дом во Мајами.

Били Август е познат по филмовите „Куќа на духовите“, „Ноќниот воз за Лисабон“…