Вероника на организаторите не им рекла дека била во брак и дека има четиригодишен син.
На натпреварот во Кина за Мис на светот, Украина ќе испрати друг натпреварувач како замена за исфрлената Вероника. Организаторите кажуваат дека се уште не се сигурни кој ќе биде.
Овогодишната Мис на Украина, Вероника Дидушенко (23) е дисквалификувана поради тоа што лажела за својот приватен живот. Вероника не им рекла на организаторите дека била во брак и дека има четиригодишен син, што е спротивно на правилата на натпреварувањето.
Штом дозна, одборот ја дисквалификуваше, пренесува Daily Mail.
Поранешната Мисица во пријавата напишала дека никогаш не била во брак и дека нема деца. Сепак, се откри дека има син со поранешниот сопруг.
Тоа значи дека на натпреварот во Кина за Мис на светот, Украина ќе испрати друг натпреварувач како замена на исфрлената Вероника.
Организаторите кажуваат дека се уште не се сигурни кој ќе биде тоа што значи дека нема да оди првата пратеничка по автоматизам, туку се е во рацете на судиите на изборот за Мис.
-Што имаат бракот и децата врска со убавината – праша еден од обожавателите. И други ја подржаа додека постоеја и такви кои ја нарекуваа “луда” што не “игра” според правилата.
– Па можеше да се пријави на некој друг натпревар. Можеби се збунила и ги заменила називите “госпоѓа” и “госпоѓица” – заклучи еден од следбениците. Дидушенко на Instagram им се заблагодари на следбениците што и се подршка во овие “за неа тешки времиња”.
Обединетото Кралство до неодамна имало исти правила, мажените жени и мајки да неможат да се пријават, но во 2013 година тој дел го исфрлија.
– Веруваме дека оваа одлука во 21 век, кога мајките и жените немаат граници, што се однесува на кариерата, ќе биде позитивен пример за другите – рече англиската мисица по одлуката.
https://www.instagram.com/p/BoHFr0KHsTQ/?utm_source=ig_embed