Американскиот сојузен судија во Вашингтон, нареди Северна Кореја да плати 500 милиони долари на семејството на американскиот студент Ото Вармбери, кој почина кратко време откако беше ослободен од севернокорејскиот затвор.
Пресудата на сојузниот судија Берил Хауел е симболична победа, наведува агенцијата AP, бидејќи не постои механизам што ќе ја принуди Северна Кореја да плати отштета.
Вармбери беше уапсен во Северна Кореја во март 2016. година за време на групна посета, под сомнение дека украл пропаганден постер.
Почина во јуни 2017. година, кратко време откако беше ослободен од затворот, каде што, според неговите родители, бил малтретиран.