Меѓу Македонија и државата Тувалу вчера попладне беа воспоставени дипломатски односи под уставно име на амбасадорско ниво.
Тувалу е 132 земја која официјално ја призна Македонија под уставното име. Заедничкото комунике го потпишаа македонскиот амбасадор, Пајо Авировиќ и неговиот колега.
Односите меѓу двете земји ќе се развиваат во согласност со принципите на заемно почитување, пријателство, немешање во внатрешните работи, како и признавање на територијалниот интегритет и суверенитет на двете земји.
Тували е четвртата најмала земја во светот. Островската држава е лоцирана меѓу Хаваи и Австралија во Пацификот, а се граничи со Кирибати, Науру, Самоа и Фиџи.
Извор: Нетпресс