Откако ја објави својата кандидатура за претседател на САД пред две недели, раперот Канје Вест ќе го одржи првиот предизборен митинг во Јужна Каролина, јавуваат странските медиуми. Имено, најавениот настан ќе се одржи во северниот дел на Чарлстон, а само избрани гости можат да присуствуваат на настанот, пренесува ABC News.
Според копија од поканата во сопственост на таа ТВ-станица, сите гости ќе треба да ја пополнат формулар „Ковид-19“, да одржуваат физичко растојание и да носат заштитни маски.
Исто така, раперот објави дека собира потписи за да може да се појави на гласачкото ливче во Јужна Каролина.