Капитенот на фудбалската репрезентација на Италија која во 2006-та година го освои Светското првенство, Фабио Канаваро, објави дека ја завршува својата професионална кариера поради повреда. “Многу сум тажен, бидејќи фудбалот ми е се во животот. На голема жалост моето колено повеќе не може да ги издржи напорите” изјави Канаваро од Дубаи, каде планира да остане и во следните три години како спортски директор во Ал Ахли. Канаваро и минатата година беше капитен на “Азурите” на Светското првенство, а се повлече од националниот дрес, откако италијаните не успееа да ја минат групната фаза.