Линда Вулф од Индијана, САД го држи светскиот рекорд за најмногу бракови. Според Гинисовата книга на рекорди, оваа 68 годишна старица досега била мажена дури 23 пати, а неодамна изјавила дека во моментот го бара својот 24 сопруг.
Вулф вели дека е неизлечлива романтичарка и дека ужива кога се мажи. Таа прв пат се омажила во 1957 година на 16 годишна возраст за Џорџ Скот кој бил 15 години постар од неа. Овој брак траел цели 7 години и Вулф вели дека е најдолгиот и најсреќниот во нејзиниот живот.
Во текот на нејзиниот живот Вулф била мажена за затвореник со едно око, свештеник, шанкер, водоводџија и музикар. Двајца од нејзините сопрузи биле хомосексуалци, двајца биле бездомници, а еден физички ја малтретирал. Најкраткиот брак на Вулф траел само 36 часа.
Вулф била мажена за Џек Гурли дури три пати. Таа има седум деца од различни сопрузи. Последниот сопруг на оваа рекордерка, кој се вика Глен Вулф, го држи рекордот за маж кој најмногу бил женет. Вклучувајќи ја и Линда, тој бил женет дури 29 пати.
Линда Вулф, која во моментот живее во дом за стари лица вели дека никогаш не ги изневерила своите сопрузи додека била во брак. Па, и посакуваме што побрзо да ја најде својата нова љубов и да застане пред матичар по 24 пат.