Иако за Кери Бредшо во серијата „Сексот и градот“ беа синоним за лош вкус, ленти за коса изработени од пошироки ткаенини, т.н. scrunchies, го освоија модниот свет.
Бидејќи трендовите од деведесеттите години доживуваат голем comeback во последно време, прашање на време беше кога повторно ќе видиме стегачи направени од пошироки и превиткани ленти, а на почетокот на оваа година веќе беше јасно дека тие наскоро ќе бидат насекаде околу нас.
Љубителите на модата ги носеа околу рацете и косата, а меѓу оние кои не можеа да им одолеат беше Анастасија Ражнатовиќ.
Пејачката објави фотографии на својот Инстаграм профил за кои позираше во летен стил: таа носи кроп топ со морнарски пруги и високи бели панталони, а клучниот детал е scrunchie во косата. Таа крена само дел од косата, и тоа многу високо, поради што привлече уште поголемо внимание и се одлучи за белата боја, што е совршена комбинација со облека со бели пруги. Интересен детал е ѓерданот од три реда бели бисери, кој е украсен со шарен приврзок, идентичен со шарените обесени обетки.
Овие стегачи, патем, беа повторно популаризирани од модната куќа Хермес, која ги претстави со шарени дизајни. Понудата вклучуваше и „обични“ и гумени ленти со панделки што висеа од нив, а некои инфлуенсери отидоа чекор подалеку и носеа стегачи како украс на чантата наместо шамија.