Целта на секој уметник е неговото дело да остане запаметено. А како најдобро би останале запаметени? Секако, доколку вашето име биде запишано во Гинисовата книга на рекорди. Марк Ентин и Пол Кретиен од американската фирма Ice Bulb се погрижија да бидат запаметени во историјата откако ја направија најголемата ледена фигура на светот.
Најголемата ледена фигура на светот, која е висока 14,7 метри, е во форма на Scrat, лик од анимираниот филм Ice Age. За нејзина изработка беа потребни 60,327 килограми мраз и тим од 14 луѓе кои работеа под будното око на Ентин и Кретиен, кои се менаџери на овој неверојатен проект.
Ледената фигура беше презентирана во јавноста пред едно лизгалиште во Калифорнија, токму на денот на промоцијата на „Ice Age: Dawn of the Dinacours“ во blu-ray и DVD верзија.