Еден 49-годишен маж бил сместен во болница во градот Јен со 5,9 промили алкохол во неговата крв, пишува неделникот “Spigel”, наведувајќи дека 3,5 промили се водат како опасни по живот.
Човекот бил сместен во болница откако колабирал по една “пијанка”, со неговите пријатели. Тие веднаш повикале брза помош, која му измерила 5,9 промили алкохол во крвта.
Покрај горенаведеното пијанство, имало уште еден случај во градот Нојбранденбург, кој привлекол големо внимание кај јавноста. Станува збор за млад човек, кај кој биле измерени 1,7 промили алкохол во крвта, но проблемот не бил во големата бројка на промили во крвта, туку во неговиот подвиг. Дечкото враќајки се од “пијанка” сфатил дека ги заборавил клучевите во станот, и да не ја буди својата пријателка одлучил од надворешната страна на зградата да се искачи со до 14 спрат каде што живеел.
Дечкото успеал да стигне до 14 спрат но го промашил балконот и се искачил на комшискиот балкон не успевајќи да влезе внатре. Утредента бил забележан од страна на станарите од околните згради и бил пријавен во полиција.