Повеќето од нас секогаш имаат јајца во фрижидерот, а повеќето од нас често се прашуваат колку навистина се стари овие јајца и дали се добри за јадење. Можете да дознаете на три едноставни начини.
Велигден се ближи, а за да го прославиме традиционално потребни ни се велигденски јајца. Ако јајцата ви стојат подолго време во фрижидер и не сте сигурни дали се добри за јадење, постојат три едноставни начини да проверите дали јајцето е расипано.
Тест во вода
Ставете го јајцето во сад со ладна вода. Нивото на водата треба да биде околу двапати повисоко од јајцето. Свежото јајце ќе потоне на дното на садот и ќе лежи рамно на страна. Малку постаро јајце (старо околу една недела) исто така ќе потоне на дното, но едниот крај ќе биде малку подигнат. Ако јајцето се балансира и се крене од дното на садот откако ќе биде потопено во сад со вода, веројатно е старо околу три недели. Јајцата кои пливаат на површината се премногу стари и не се добри за јадење.
Тест со мучкање
Доведете го јајцето поблиску до увото. Нежно протресете го и слушајте. Ако слушнете жуборење, најдобро е да не го консумирате јајцето. Ако ништо не се слуша, јајцето веројатно е добро за јадење.
Тест со кршење јајца
Скршете го јајцето во чинија и набљудувајте ги жолчката и белката. Ако жолчката има испакната тркалезна форма како глобус, а белката е цврсто околу неа, јајцето е свежо. Ако жолчката е малку порамна, а белката е уште стегната околу неа, јајцето е малку постаро, но добро за јадење. Ако жолчката е целосно израмнета, а белката се истури и истекува речиси како вода, јајцето не е добро за јадење.