Пенелопе Круз, една од најпознатите актерки на денешницата, кон крајот на август месец треба да пристигне во Сараево каде треба да снима делови од филмот „Venuto al Mondo“ на режисерот Sergio Castellitto, каде таа ќе ја игра главната улога.
Според пишувањето на медиумите овој филм треба да почне да се снима во септември, а веќе биле избрани локации во главниот град на БиХ, но тие се држеле во голема тајност.
Филмот „Venuto al Mondo“ ќе биде правен врз основа на роман од италијанската писателка Margaret Macantini. Приказната е поврзана со војната во Босна и Херцеговина, а Пенелопе ќе глуми вдовица, која после војната го носи својот син во Сараево за да му го покаже местото каде е роден неговиот татко.