Социјалните мрежи се преполни со фотографии од нереални плажи од целиот свет, а најфотографирана меѓу нив е Anse Source d’Argent на Сејшелите.
Чистата и плитка вода, златниот песок и импозантните гранитни формации ја прават оваа плажа непропустлива дестинација за сите посетители на Сејшелите. National Geographic ја прогласи за најфотографирана плажа во светот, што не е чудно со оглед на бајковитиот пејзаж кој ја опкружува.
Плажата е заштитена со корален гребен и затоа водата е плитка, со мали бранови и прекрасна, тиркизна боја.
Се наоѓа на југозападниот дел на Ла Диг, третиот најнаселен остров на Сејшелите, каде што луѓето возат велосипеди, а сообраќајот речиси и да не постои. Возењето велосипед е главната атракција на тој остров, а посетителите можат да го обиколат за само половина час.
Влезот на плажата чини 10 евра по лице, а многумина ќе се согласат дека нејзината посета вреди секој цент.Патот до плажата исто така го одзема здивот бидејќи посетителите треба да се пробијат низ песочна патека опкружена со недопрена природа.
Друг интересен детал е тоа што на плажата нема чадори и лежалки, иако е една од најпознатите во светот, па сцените се од бајките.
Поради плиткиот океан, плажата е омилена семејна дестинација, а поради блиските ресторани и овоштарници, посетителите можат да го поминат цел ден таму. Интересно е тоа што служеше и како локација за снимање на некои од најголемите светски филмови, како што е Бродоломот на животот со Том Хенкс.Ова магично место е задолжителна дестинација за секој кој патува на Сејшелите и најголемата кралица на социјалните мрежи. Многумина истакнуваат дека тоа е едно од оние места кои во живо изгледаат уште поубаво отколку на фотографиите и дека филтер навистина не е потребен.