Паметните телефони станаа неопходен дел од секојдневниот живот, но прашањето колку долго треба да се користи истиот уред се поставува сè почесто.
Додека некои луѓе едвај чекаат да го купат најновиот модел на својот омилен паметен телефон, други се обидуваат да ги користат своите стари уреди што е можно подолго. Кој е всушност во право?
Како што минуваат годините, перформансите на телефонот можат полека да опаѓаат, а уредот повеќе нема да работи толку брзо како кога бил нов. Дури и кога сè изгледа во ред, хардверот може полека да покаже знаци на стареење.
Користењето постар телефон може да донесе одредени проблеми, како што е послаба батерија, но експертите посочуваат еден особено важен знак дека е време да го замените, моментот кога телефонот престанува да прима системски ажурирања и безбедносни апдејти.
Кога уредот повеќе не ги прима овие надградби, ризикот од сајбер напади се зголемува и корисничкото искуство може да биде ограничено, предупредуваат експертите.
За повеќето телефони, ова обично се случува околу седмата година од употребата, бидејќи тогаш производителите престануваат да испраќаат нови ажурирања. Сепак, времетраењето на поддршката варира од модел до модел, па затоа е најдобро да проверите колку долго вашиот телефон добива системски надградби.