Треба да обрнете внимание на едно нешто.
Пролетта е сезона и за алергии и за чести настинки кај децата, а нивните симптоми можат да бидат слични, па затоа не е секогаш лесно да се каже која е која. Педијатарот д-р Џована Армано објаснува дека сезонските алергии најчесто се предизвикани од цветни растенија и присуство на полен во воздухот, а се манифестираат со кивање, кашлање, течење на носот со бистар секрет и солзени, иритирани очи.
Еден од клучните знаци на разликата е температурата: кај алергиите, детето обично нема треска и се чувствува добро, додека кај вирусните инфекции, температурата често е придружена со замор и малаксаност. Носните секрети кај алергиите се бистри, додека кај бактериските инфекции можат да бидат густи и жолто-зелени.
Кашлањето може да се појави и кај алергиите и кај настинките, но кај алергиите често е поврзано со други симптоми и се јавува во контакт со алергени, како што е поленот.
Доколку симптомите се појават во исто време секоја година, особено во пролет, веројатно станува збор за сезонска алергија. Може да се направи тестирање за да се утврди со сигурност.
Олеснувањето на симптомите вклучува отстранување на алергените од околината кога е можно, како и употреба на антихистаминици, капки за очи или спрејови за нос и капки. Со рано препознавање и соодветен третман, алергиските симптоми кај децата обично можат успешно да се контролираат.