“МАЈКИ“ во Истанбул

Филмот “Мајки” на македонскиот режисер Милчо Манчевски утре ќе биде прикажан на големиот меѓународен фестивал во Истанбул. Манчевски е единствен наш режисер  чии филмови играат на овој фестивал.

Турскиот печат го најавува како “филм што не смее да се пропушти“ и се наоѓа на листата на “најспецијални проекции“.

Минатата недела “Мајки” беше прикажан на фестивалот “Лас Палмас де гран Канариа” на  Канарските острови, а претходната недела на фестивалот во Вилно, Литванија и во Кливленд, САД.

Светската премиера филмот “Мајки“ ја имаше во Торонто, а гала европската премиера на фестивалот во Берлин. Во меѓувреме со успех беше прикажан на фестивали во Бразил, Чешка, САД, Србија и Бугарија, а следуваат уште бројни покани во текот на оваа и идната година.

“Мајки“, филм во македонско-француско-бугарска копродукција, победи на белградски ФЕСТ и беше македонски кандидат за Оскар.

Инаку, филмот настапува на сите фестивали и покрај одбивањето на Македонскиот филмски фонд да обезбеди титлување на англиски, како и филмски копии.

Извор: Нетпрес