“Скопско лето“ почнува денес

21 јуни, 20110
Untitled
Под мото “Урбана уметност“, годинашното “Скопско лето“  се отвора денес, со што традиционално се одбележуваат првиот
ден на летото и светскиот ден на музиката. 32-то издание на фестивалот ќе започне со изложбата “Бендисај го или батали го“ во Музејот на Современа уметност. Во Македонска опера и балет, пак, ќе се одржи гала оперски концерт што ќе го води диригентката Бисера Чадлловска. На програмата се дела од Моцарт, Росини, Верди, Хендл, Белини, Пучини.
На улица “Македонија“, пред платото на Камениот мост и во Стара скопска чаршија денеска ќе има улични музичари, жонглери, куклари и други 36 уметници кои  ќе ги забавуваат скопјани.
Седумдесетина жанровски разновидни настани има на програмата на 32-то “Скопско лето“ што ќе се одржува до крајот на јули на повеќе локации во главниот град. Ќе има премиери од најновата театарска продукција во Македонија,  гостувања од странство, програми за деца, концерти на различни видови музика, 12 изложби, филмска програма, ревии.
И годинашното “Скопско лето“ ќе ги има традиционалните содржини – “Летно кино“, кое се отвора на 11-ти јули и 15. фестивал “Блуз и соул“, на 4-ти и 5 јули. Ѕвезда на фестивалот ќе биде германскиот блуз-пејач Грегор Хилден.
Настанот е под покровителство на Град Скопје.
Извор: Нетпрес

 

Leave a Reply

Your email address will not be published. Required fields are marked *