Бразил: Бик предизвика паника во продавница за гардероба

Млад бик предизвикал општа паника во една продавница за гардероба во бразилскиот град Sao Hose до Rio Preto, кој залутал откако се превртел камионот кој го превезувал недалеку од местото.

Како што пренесува BBC, купувачите биле преплашени кога виделе дека избеганото животно се пробива низ полиците, додека минувачите зачудувачки гледале во излогот од кој се гледала главата на бикот.

По неколку неуспешни обиди на обезбедувањето да го совлада со јажиња, бикот го скршил излогот и побегнал од продавницата.

На крај сепак бил фатен и однесен во локална фарма.