Денес во Крушево свечено се отвори спомен куќата на Тоше Проески. Таа се протега на околу 870 квадратни метри, а во неа се изложени околку 350 експонати, од детството на Тоше па се до врвот од неговата музичка кариера. Освен екпонатите во спомен куќата ќе бидат изложени и две восочни фигури од Тоше кои се во негова природна големина. На едната од нив тој е со микрофон во рацете, а на другата е прикажан како седи покрај клавир.
Како почесен гостин на отварањето е Раде Шербеџија, кој воедно ќе ја отпее новата до сега не слушната песна од Тоше, наречена Крушево.