Денеска во Есприт арената во Дизелдорф ќе биде одржано второто полуфинале во изборот за песна на евровизија, каде од 19 композиции ќе треба да се изберат нови 10 кои ќе одат во финалето.
За пласман во финалето се натпреваруваат Босна, Австрија, Холандија, Белгија, Словачка, Украина, Молдавија, Шведска, Кипар Бугарија, Македонија, Израел, Словенија, Романија, Естонија, Белорусија, Летонија, Данска и Ирска.
Интересно е да се спомене дека дизајнот на сцената е инспириран од минатогодишната победничка песна “Сателит“, која ја изведе Лена Мајер, а на бината доминираат лед екраните. Финалната вечер на евросонгот ќе се одржи на 14 мај, каде меѓу 25 композиции ќе биде избран победникот на најголемиот европски музички спектакл.