Дете дизајнирало лого на Google и освоило 15.000 долари

Седум-годишно момче од Калифорнија Матео Лопез победило во натпреварот Google 4 Doodle за дизајн на ново лого на Google.
Момчето изјавило дека инспирацијата ја добило од Нил Армстронг, првиот човек кој бил на месечината, и дека кога ќе порасне би сакал да патува во вселената и да посети други планети. Неговиот проект е наречен Космички живот.
Матео како награда за новото лого на Google добил стипендија во износ од 15.000 долари и патување во Њујорк, пренесуваат американските медиуми. Неговото дело е поставено на страната на Google.