Домашни маски за преубав тен

Краставиците и мајшината душица ја смируваат надразнетата црвена кожа, овесната каша е одличен пилинг, а хидратацијата ќе ја повратите со портокал

Убаво е понекогаш кога кујната ќе ја користите за лично разубавување. Може да пуштите и музика и да се чувствувате како на козметичар, со само една мала разлика: многу поевтино ќе поминете.

-Маска од портокал – за хидратизација на кожата

Измешајте 2 лажици брашно со 2 лажици сок од портокал. Нанесете ја маската и оставете да стои 20 мин. па исплакнете ја со млака вода.

– Краставици и мајшината душица – за надразнетата кожа

Измешајте во блендер една краставица и неколку листови мајшината душица, нанесете ја смесата на чисто лице и оставете да стои 15мин, па исплакнете со ладна вода.

-Овесна каша – за ревитализација

Измешајте лажица овесна каша со јогурт и пола кафена лажица мед. Нанесената маска оставете ја да стои 10 мин, па исплакнете ја со млака вода.