Британската пејачка Ејми Вајнхаус започна со подготовките за свадбата со нејзиното момче Рег Тревис. Датумот сеуште не е познат, но бидејќи нејзиното момче соопшти дека свадбата ќе биде годинава, таа почна да се подготвува за брачниот живот.
Ејми Вајнхаус е подготвена повторно да влезе во брачните води. По сите нејзини проблеми и одрекување од алкохолот, изгледа таа го пронашла лекот во љубовта. Ејми и Тревис изјавиле дека се надеваат во тоа да успеат да ја организираат свадбата во наредните шест недели.