Елизабет Тејлор ќе биде закопана до Мерилин Монро
24 март, 20110
Вечното почивалиште на Елизабет Тејлор ќе биде на гробиштата “Пирс Брадрс Вествуд Вилиџ Мемориал Парк“ покрај нејзините родители Францис и Сара, а исто така е во близина и на уште една незаборавна филмска дива Мерилин Монро.
На овие гробишта се закопани многу познати личности, вклучувајќи ги и Натали Вуд, Роја Орбисон, Фара Фосет, Дин Мартин и Мерв Грифин.
Славната американска актерка Елизабет Тејлор почина вчера на 79-годишна возраст во медицинскиот центар “Синај“ во Лос Анџелес, откако срцето престанало да и работи. Таа пред два месеци била хоспитализирана во овој медицински центар, токму поради проблеми со срцето.
Во својата богата актерска кариера славната Лиз Тејлор сними над 50 филмови, а на два пати беше добитник на Оскар.
Покрај глумата, актерката беше позната по својата убавина, но и по својот бурен љубовен живот, имаше осум бракови, а двапати се мажеше за глумецот Ричард Бартон.
Извор: Нетпрес