Глокнер-Капрун

Системот на брани во долината во областа Гросглокнер претставува најголемата хидроцентрала во Австрија. Во споредба со останатите централи во светот, оваа централа ја сочинуваат три брани во долината, a со своите 170 милиони кубни метри вода како и енегретскиот учинок од 200.000 kWh – не делува импозантно. Но, и покрај тоа, светот внимателно ги следеше првите вести и информациите за тоа што е направено во Капрун. Јавноста не знаеше на што повеќе да се восхитуваат – на храброста на австријците што прифатија да бидат дел од проект во област која практично сеуште не беше истражена или на одлучноста, да релативно мала количина на вода ја соберат и искористат.

Долината Капрун e долга дваесет километри и има пад од 1.200 метри. Комплицираниот систем на автопати, жичари, спроведување на кабли – ова беше потребно за да се создаде можност да се превезуваат луѓе, материјали и машини. Во текот на годината можеше да се работи само 150 денови. Лавини од снег, одрони, временски непогоди – сето тоа мораа градежниците да го преживеат. Но, сепак издржаа и повеќе не се ни споменува сето тоа. Капрун, веќе одамна стана место на кое се восхитува целиот свет.