Google отвара канцеларии во Хрватска, Србија и Словенија

Интернет гигантот Google најави дека во текот на месец јуни ќе отвори канцеларии во Загреб, со што ќе ги прошири операциите во регионот на Хрватска, Србија и Словенија.

Со отворрањето на оваа канцеларија, која ќе биде предводена од Јошко Мрнџе, компанијата сака да ја подобри понудата на прозиводите, со што ќе овозможи подобри резултати на пребарување и ефикасни решенија за рекламирање на клиентите и партнерите од регионот.

Овој потег е во согласност со стратегијата на компанијата Google, која се заснова на активна помош на поединци и копмании за да имаат корист од развојот на интернетот.

По ограниченото присуство во Србија и регионот во текот на изминатите години, загребската канцеларија постојано ќе нуди локална поддршка и ќе овозможи на компаниите да остварат профит од развојот на дигиталната економија.

Google за локалните потреби прилагодил веќе петнаесет производи наменети за поединци и компании на пазарите во Србија, Хрватска и Словенија.

Помеѓу нив се наоѓаат “Google Apps”, “Google Maps”, “Google Translate” и други производи кои се наменети да ги олеснуваат бизнисите, а намерата на компанијата е дополнително да прошири поддршка и понуда на локаните компании.