Deprecated: explode(): Passing null to parameter #2 ($string) of type string is deprecated in /home/popara/public_html/wp-content/themes/bold-news/views/author_reviews.php on line 4
Градските гулаби може да направат разлика помеѓу луѓето кои ги хранат и оние кои ги бркаат, покажала една неодамна објавена студија на француските научници.
Како што јавува BBC, оваа способност на птиците им овозможува да го скратат времето кое го поминуваат во потрагата по храна. Гулабите во урбаните области живеат блиску до луѓето и ја искористуваат таа близина за да пронајдат храна, која често им ја даваат самите луѓе, навеле француските експерти. Гулабите се меѓу најзастапените птици во светот. Се проценува дека во Европа има околу 28 милиони гулаби и дека најмногу се распространети по градовите. Нивниот опстанок во градските услови се објаснува со недостатокот на предатори и птици грабливци.
Истражувачите дошле до заклучок дека птиците користат меморија и способност да ги категоризираат секојдневните активности. Ескпертскиот тим навел дека птиците брзо учат од интеракциите со луѓето, а потоа тоа го користат за максимално да извелчат нешто од урбаното окружување.