Хамис Гадафи сепак изгледа е жив?

Либиската телевизија во вторникот емитувала снимки на Хамис Гадафи, син на либискиот лидер Моамер Гадафи, за кого бунтовниците тврдат дека го убиле минатата недела. Владата ги негираше тие тврдења, а државната телевизија изјавила дека снимките се оргинални и дека биле направени во вторникот, кога Хамис Гадафи бил на посета кај повредените либиски војници во нападот источно од Триполи. Ако се утврди дека снимките се автентични, тоа ќе биде првиот доказ дека Хамис Гадафи е навистина жив, објавува Ал Џезира.