Кутија за прва помош, која била пронајдена во остатоците од потонат брод пред 2000 години, дава увид во лековите кои ги правеле древните лекари за лечење на морнарите од дизентерија и други болести.
Во дрвената кутија која била откриена имало таблети направени од тревки, билки и растенија, како што се целерот, кромидот, морков, зелка, костени и луцерка, состојки кои се опишувани во класичните медицински текстови.
Таблетите, кои биле толку добро затворени што се сочувани и покрај тоа што под вода поминале повеќе од два милениума, се состоеле исто така и од магдонос, ротквица, хибискус и ајдучка трева.
Тие биле пронајдени во трговскиот брод долг 15 метри, кој потонал некаде околу 130 години п.н.е. помеѓу италијанскиот брег и островот Елба.
Таблетите се досега најстарите археолошки древни лекови кои се најдени, се пиеле со вода или вино, а истопени се користеле како мелем за испекотини или рани на кожата.
Потонатиот брод е најде уште од 1974 година, а кутијата со лекови во 1989 година, но научниците дури сега можеле да ги анализираат состојките на таблетите користејќи специјална технологија.