Иднината на сексот: Стисни Ctrl+Shift+O за оргазам!
Во иднината ќе имаме можност за носење на електронски склопови во својата кожа кои ќе можат да снимат сигнали на нашиот нервен систем за време на сексот и да ни овозможат подоцна тоа искуство повторно да го почуствуваме, тврди футурологот Јан Пирсон.
Пирсон ја опишува иднината (околу 2030 година), во која сензорите ќе бидат доволно софистицирани за откривање и мапирање на збирки поттици кои создаваат одредени искуства на осет – било некој да се ракува со вас, гушка, или води љубов, пишува магазинот Wired.
Идејата за стимулирање на нервниот систем, во потполност, на ист начин – со одговорачки притисок, топлина и движење – повторно може да креира искуство. Луѓето би можеле да го користат овој вид на технологија кога се одвоени од своите партнери, или уште поверојатно, кога немаат партнер.
„Би можеле да снимиме огромни библиотеки сензорни искуства на славните порноѕвезди и би можеле да доживеме како тие всушност се чувствуваат”, изјавил Пирсон за Wired.
Исто така, Пирсон верува дека во иднината ќе можете да имплантирате чип во мозокот кој би можел повторно да ви го креира чувството. „Тогаш би било многу лесно, како да стиснете Ctrl+Shift+O за оргазам”, објасни Пирсон.
Ако имате можност да ги лоцирате и снимате чувствата, тогаш ќе може да ги раздвоите од телесните активности. Тоа значи дека би можеле да го доживете чувството секс само со допирање на уредот, и тоа ќе ги стимулира одговарачките нервни завршетоци.
Ова звучи како Морфиус од филмската трилогија The Matrix: „Ако реалноста е тоа што може да го почуствуваш, помирисаш, вкусиш и видиш, тогаш едноставно ‘реалноста’ се електричните сигнали интепретирани од твојот мозок.”
Сепак Пирсон предупредил дека „ако се изгуби поврзаноста помеѓу физичките активности и задоволствата”, во потполност можеме да заборавиме на страната која се однесува на љубовните односи.
Пирсон за иднината на сексот, спиењето и играњето ќе говори на конференцијата „If”, која ќе се одржи од 25, до 26 ноември во Royal Geographical Society во Лондон.