Излезе Firefox 5

Само три месеци по објавувањето на предходната верзија, Mozilla на корисниците веќе им нуди нов Firefox 5.

Иако за предходната верзија имаше многу одложување, сега стабилната петка дојде само еден месец од бета верзијата за овој пребарувач, а од Mozilla кажуваат дека усвоиле нова стратегија за во иднина да може на секои три месеци да носат нова верзија.

Во соопштението на официјалниот блог на Mozilla се наведува дека новата верзија носи над илјадници подобрувања. Некои од  нив се видливи, Do Not Track опција која се наоѓа во рамките на Firefox Preferences делот, подобрена поддршка за HTML5, XHR, MathML, SMIL, поддршка за CSS апликации, како и подобра поддршка за Java Script.

“Ова издание ќе донесе поддршка за модерните веб технологии за кои на програмерите ќе им се олесни правењето одлични додатоци, веб апликации и сајтови“, велат од Mozilla.

Сите овие подобрувања за корисниците треба да донесат значително побрз пребарувач, а Firefox 5 можете бесплатно да го превземете во верзиите Linux, Mac OS, Android и Windows, од нивниот официјален веб-сајт.