Јапонските власти разгледуваат план за масовно иселување на жителите од североисточниот дел на земјата, опустошен од земјотресот и од цунамито минатиот месец, објави новинската агенција “Кјодо“, пренесува Нетпрес.
Повикувајќи се на владини извори, агенцијата јавува дека, според планираното, жителите на крајбрежните зони ќе бидат повикани да се преселат во повисоките реони. Исто така, јапонската влада планирала и да откупи земја во погодените региони. Се предвидува и да бидат изградени нови градски средини, кои ќе можат да одолеат на удари на цунами бранови, а со тоа же му се овозможи на населението да продолжи да живее во близина на морето. Плановите за масовно селење, сепак може да предизвикаат контра ефект, коментира “Кјодо“.
Извор: Нетпрес