Johnny Depp не е сигурен дали ќе глуми во петтото продолжение на “Пиратите“

Холивудскиот актер џони Деп, изјавил дека не е сигурен дали ќе глуми во петтото продолжение од “Пиратите од Карибите“, објавиле денеска медиумите.

“Се се сведува на приказната, сценариото и режисерот“, додал Деп кој во филмовите го глуми капетанот Џек Спероу.

“Тоа не е нешто за кое би рекол: “ајде да снимане следниот месец за да се објави на Божич во 2012 година“, мислам дека треба малку да се почека. Овие филмови треба да бидат посебни, како што се за мене посебни“, додал познатиот актер.

Четвртото продолжение од овој филм во кој глуми и Пенелопе Круз, премиерно ќе биде прикажан на престојниот Кански филмски фестивал.