Мараја Кери конечно ги покажа близначињата! Ни помалку ни повеќе, туку им отвори интеренет стана!!!
![maraja keri](https://popara.mk/wp-content/uploads/2011/10/maraja-keri-610x336.jpg)
Иако се породи пред шест месеци, Мараја Кери реши да ги покаже своите деца на јавноста дури вчера вечер, на телевизиското шоу 20/20 на Барбара Волтерс. Откако на Мараја и на нејзиниот сопруг Ник Кенон очигледно им се допадна вниманието кое го добија нивните деца, тие решија и да им направат интернет страница www.DemBabies.com.
Малите близначиња Морокан и Монро се појавија на телевизиското деби облечени во свечена облека, Морокан во костум, а Монро во фустанче. Познатата двојка и покажа на јавноста колку е среќна со новата принова, особено заради фактот дека Мараја имаше проблеми во бременоста, но и во периодот пред да забремени.
Познатата пејачка вели дека нејзините деца, кои нагалено ги вика Рок и Роу, и се најголема радост во животот. Мараја имаше проблеми со забременувањето, па мораше да посети специјализирани клиники и да прима терапија за да може да забремени. Нејзините здравствени, но и психички проблеми се појавија по нејзиниот тежок спонтан абортус.
Заинтересираноста на јавноста за малите Рок и Роу е толку голема, што се очекува дека тие набрзо ќе се најдат на листата на најпознати деца во Холивуд, рамо до рамо со децата на Бранџелина, на Том Круз, Гвен Стефани…