Младиќ: Можев, но не сакав да ги убијам децата кои ме приведуваа

Најбараниот хашки бегалец, Ратко Младиќ, на распитот признал дека со него носел два пиштола. Тој рекол дека не пружил отпор и дека не го употребил оружјето, оти не сакал да го стори тоа.

“Имав со себе два пиштола. Можев, но не сакав да ги убијам децата кои дојдоа да ме приведуваат“, рекол Младиќ.

Цело време, во текот на распитот, а и во просторијата каде престојува, Младиќ е под силна присмотра, и под постојано лекарско набљудување. Српските власти ги презеле сите мерки за максимална негова безбедност. Кај себе не смее да има ниту очила, а лекарства прима само под лекарски надзор.

httpv://www.youtube.com/watch?v=PpmpZZBImgM&feature=player_embedded

“Што се случува? Се плашите дека ќе се убијам? Младиќ нема да крене рака на Младиќ“, им рекол 69-годишниот генерал на истражните органи.