Грција ќе подигне ограда од бодликава жица во должина од 10 километри на границата со Турција. Со тоа сакале да спречат влегувањето на илегални имигранти од Турција, соопштило Министерството за заштита на граѓаните.
Оградата за која се дискутирало изминативе месеци во Грција, ќе биде изградена со помош од 5,5 милиони евра од фондовите на Европската унија, изјавило министерството.
Грција планира да изгради две паралелни огради од бодликава жица во должина од 10,3 километри и висина на оградата од 2,5 метри, стои во изјавата.
Оградата ќе биде поставена во близина на граничниот премин Кастаниес, кој е најпрометен граничен премини меѓу двете земји.
Грчко-турската граница е долга 150 километри, и таа стана главна област која најчесто се користи од страна на имигрантите кои сакаат илегално да преминат во ЕУ.