Неандерталците имале куќи од слонови коски!

Ова тврдење целосно ги поткопало досегашните теории за неандерталците кои изумреле пред околу 30.000 години дека биле номади кои живееле во пештери.

Неандерталците не биле примитивни  номади како што до сега се мислеше. Научниците откриле куќа стара 44.000 години во која живееле неандерталци, а била направена од коски од мамути и украсени со резби и боја. Куќата била пронајдена во источна Украина.

„Станува збор за кружна градба направена од 116 коски, вклучувајќи го и черепот и коските од вилиците на мамутите. Пронајдени биле и 25 огништа со пепел, што укажувало дека тука тие престојувале. Оваа структура од коски може да се опише и како темел на кој се надоградувала конструкција од дрво“, изјавил археологот Летиција Демеј.