Обама ги продолжи вонредните мерки за Македонија и Западен Балкан

Претседателот на САД, Барак Обама ја продолжи состојбата на вонредни мерки за уште една година за Македонија и за другите земји од Западен Балкан, јавува Радио Слободна Европа.

Во соопштението на Белата Куќа се вели дека актот е донесен поради заканите врз националната безбедност и надворешно политичките интереси на САД.

Тие закани доаѓаат од лица вклучени во помагање и подршка на екстремно насилство во Република Македонија како и на Балканот и ја опструираат примената на Охридскиот Мировен договор, на Дејтонскиот договор во Босна и Херцеговина и Резолуцијата 1244 на Косово.

Поради акциите на тие лица кои се закана за мирот и меѓународните напори за стабилизрање на состојбите на Балканот, американскиот претседател, Обама ја продолжи состојбата на вонредни мерки донесени на 26 јуни 2001 година.

Извор: Нетпрес