Од денес во Србија се забранува директен пренос на реални шоуа

Од денес во Србија стапува на сила одлуката на Републичката радиодифузна агенција (РРА) според која емитерите веќе нема да можат да емитуваат директен пренос на реалните шоуа.

“Одложеното емитување е предвидено со цел емитерите да можат да интервенираат во случај на инцидент во програмата“, изјавил за “Бета“ портпаролот на РРА.

Како што се наведува во одлуката, доколку реалити програмата се емитува во период од полноќ до шест часот наутро, може да ги опфати програмските содржини предвидени во овој тајминг, но со назнака дека содржината не е адекватна за лица помлади од 18 години.

“Одлуката ќе важи за сите емитери а ако некој ја игнорира, прво казната ќе биде јавно предупредување, а откако ќе се исполнат формалните услови, казната ќе биде и одземање дозвола за емитување“, пренесува “Бета“.