Пандев не сака во Баерн Минхен

Нашиот капитен и напаѓач на Интер, Горан Пандев ја отфрли можноста ова лето да го напушти “Џузепе Меаца” и да се пресели во Баерн од Минхен. Германците долго време ја следат играта на нашиот капитен, но Пандев посакува да остане во Интер. Поранешниот играч на Лацио е критикуван од страна на медиумите во Италија, бидејќи не ги оправда очекувањата по доаѓањето во Интер. “Никогаш не зборувам многу во медиумите и не влегувам во конфликти, секој има право да мисли што сака. Ги читам критиките, но некогаш тие може и да те мотивираат” изјави Горан и додаде. “Не ја знам приказната околу Баерн Минхен. Имам договор до Интер до 2014-та година и немам намера да си заминам од тука, бидејќи многу работев за да играм во Интер. Луѓето сеуште не го виделе вистинскиот Горан Пандев” им порача нашиот најдобар игач.

Извор: Нетпрес