Папокот крие стотици бактерии

Собирајќи примероци од ДНК од човековиот папок, американските научници откриле 1400 бактерии, меѓу кои 662 досега непознати микроби, а некои се толку ретки што може да се најдат само во океанот.

Тимот на истражувачи во рамките на проектот за биодиверзитетот на папокот (The Belly Button Biodiversity Projecta), кој е започнат на Универзитетот во Северна Каролина, со помош на брисеви земени од папоците на волонтерите, откриле бактерии кои скоро половина од нив не биле познати.

Целта на проектот била луѓето да се заинтересираат за микробиологијата и да се намали нивниот страв од бактериите кои предизвикуваат болести, а се случило спротивното, бидејќи се откриле нови информации за микрооргазнизмите кои живеат во човековото тело.