Пирати осудени на 439 години затвор

Судот во Мадрид осуди двајца сомалиски пирати на 439 години затвор поради киднапирање на еден шпански рибарски брод во октомври 2009 година. Во соопштението на судот се навело дека Владата на Шпанија платила откуп за рибарите да бидат ослободени, но министерот за надворешни работи на Шпанија, Тринидад Хименез го демантирал ова. Сомалиските пирати го киднапирале рибарскиот брод, кој во Индискиот океан ловел туна и екипажот го држеле 47 дена во заробеништво. За време на киднапирањето на бродот, шпанските командоси успеале да заробат двајца од пиратите и тие да се префрлат во Мадрид. Во судот тие биле идентификувани како Kabdivel Kabdulahi i Ragegesej Hasan Ali.