Продадени фустаните на Мерлин Монро

Пред извесен период излезе информацијата дека легендарните фустани на Мерлин Монро, кои ги носеше во нејзините најпознати филмови ќе бидат ставени на аукција.

На одржаната аукција биле дадени на понуда дел од колекцијата на костимите на Деби Рејнолдс, која заради прескапото одржување на костимите решила да ги даде на аукција. Легендарниот бел фустан, кој ги откри нозете на Мерлин Монро во филмот “Седум години невиност” бил продаден за 4,6 милиони долари, а почетната цена била 2 милиони долари.

Освен овој фустан на оваа аукција биле продадени и фустаните на Елизабет Тејлор од Клеопатра, шапката на Чарли Чаплин, црвениот фустан на Мерлин Монро и уште неколку парчиња од Колекцијата на Деби.