Оригиналниот ракопис, на песната која ја изведоа Битлси ”Lucy in the sky”, напишана од страна на Џон Ленон ќе биде на аукција следниот месец. Песната беше пуштена во 1967 година и предизвика многу контроверзни реакции. За оваа песна имаше негодувања бидејќи сметале дека во насловот Ленон се повикува на дрогата. Но, тој изјавил дека инспирацијата за песната ја пронашол во неговиот син Џулијан.
Ракописните стихови ќе бидат на укција на 14 и 15 мај во театарот во Беверли хилс. На почетокот од листот хартија пред да започне првиот стих има една скица на четири лица во една соба, за кој Ленон рекол дека е неговиот син со другарите. Се очекува таа да биде продадена за 200.000 долари.