Радијацијата во третиот реактор на “Фукушима 1“ е 10.000 пати над нормалата

Нивото на радијација во водата во турбината во третиот реактор на “Фукушима 1“ е дури 10.000 пати над нормалата, објави новинската агенција “Кијодо“, повикувајќи се на информација на компанијата која стопанисува со нуклеарката, пренесува Нетпрес.
Во водата во турбината била измерена радијација од 3,9 милиони бекерели на 1 кубен сантиметар. Нормалното ниво на радијација на водата во турбините е неколку стотици бекерели. Бекерел (becquerel-Bq) е мерна единица, со која се дефинира активноста на радиоактивен материјал каде едно јадро се распаѓа во секунда.

Извор: Нетпрес