Револтираниот Чавез бара да се прекине емитувањето на колумбиската серија во Бразил

На една приватна телевизија во Бразил била прикажувана тв серија, во која главна улога ја имаат сестрите Колумбија и Венецуела и проблематичното куче по име Хуго. Венецуелската комисија за комуникации ја критикуваше серијата во која сестрата Венецуела е претставена како грда, дебела девојка која е вмешана во криминал. Додека пак претседателот Хуго Чавез остро изреагира на епизодата во која се вели “Што ќе прави сега Венецуела, кога проблематичното куче Хуго се загубило”. Тој смета дека теленовелата има деградирачки пристап кон Државата Венецуела и смета дека емитувањето повеќе не е потребно.