Само ти „дрндај“ Марина! Весна Змијанац се мажи на есен!

Весна Змијанац есенва повторно ќе застане на „лудиот камен“. Популарната пејачка ужива во прегратките на нејзиниот избраник Жељко Ристиќ. Двојката се подготвува за свадба и вели дека изјавите на поранешната сопруга на Жељко, Марина, воопшто не ги интересираат!

„Знам дека на многумина им пречи што Весна и јас сме среќни. Бевме со моите деца на одмор во Црна Гора, па потоа кај ќерката на Весна во Атина. Среќни сме, ќе се венчаме и ништо друго не не интересира“, вели Жељко.

Популарната пејачка вели дека воопшто не ја загрижуваат изјавите на Марина, која по медиумите „тресе“ дека Жељко е жиголо, дека е оженет за некоја згодна французинка, дека со Весна е само заради популарност и многу други обвинувања.

„Таа е инфрустрирана жена која нема со кого да комуницира. Измислува секакви глупости бидејќи остана без пари и мисли дека на тој начин може да заработи“, вели Весна и додава дека таа и Жељко често се шегуваат на сметка на ваквите изјави на Марина, за која смета дека е психијатриски случај.

На Весна и Жељко им посакуваме среќен заеднички живот, а на Марина да си најде некоја друга „занимација“, затоа што нејзините обвинувања никој не ги сфаќа сериозно.