Северна Кореја со нов совет за земјотресите

Во весниците во Северна Кореја властите советуваат да се користат домашните миленичиња како сензор за можните земјотреси или било која друга природна катастрофа.

По катастрофата која ја снајде Јапонија на 11-ти март, светот обрна поголемо внимание на заштитата при земјотреси или некоја друга природна непогода.

Во Северна Кореја населението беше известено за можноста да  го предвидат земјотресот преку своите домашни миленичиња. Бидејќи се смета дека тие имаат шесто сетило, и ги чувствуваат овие појави истите ги сигнализираат преку невообичаено однесување. Тогаш кучињата одбиваат да излезат надвор и лаат неконтролирано, коњите одбиваат да јадат и многу други ситуации кои може да ги искористите како сигнал за можна природна катастрофа, објавуваат весниците.