Следи полуфиналната рунда во Лигата на Шампионите

Првите полуфинални мечеви во Лигата на Шампионите ќе се одиграат во вторник и среда. Најпрво, денеска, Шалке 04 го дочекува Манчестер Јунајтед, а потоа, утре, Реал и Барселона ќе одиграат и третото Ел класико во само 10 дена.

Победниците од двомечот ќе се сретнат во финалето на 28. мај на лондонски “Вембли”.

Пласманот на Шалке во 1/2-финалето од ЛШ е сосема сигурно големо изненадување, особено ако се знае дека тимот од Гелзенкирхен игра многу слабо во домашниот шампионат.

Дали Нојер, Раул и останатите, по супериорната елиминација на Интер во 1/4-финалето, се способни да одат и чекор понапред?

Извор: Спортнет