Германската полиција потврдила дека покренала истрага против неколку хулигани симпатизери на фудбалскиот клуб Келн за инцидентот што се случил во текот на натпреварот против Шалке во саботата. Хулиганите фрлале кон противничките навивачи чаши полни со урина и фекалии.
Полицијата како доказ се послужила со видео снимки од камерите кои биле поставени на стадионот и веднаш ги идентификувала сторителите.
Хулиганите и пред натпреварот правеле нереди каде полицајците биле гаѓани со разни шишиња и тврди предмети, исто така оштетиле и неколку автомобили на пат кон стадионот. Полицијата морала да употреби палки и солзавец за да ги смири хулиганите.